Derbi më i madh në Republikën e Kosovës në futboll, do të zhvillohet nesër në orën 15.00, mes Gjilanit dhe Dritës, në kuadër të javës së shtatë.
Ish futbollisti Arben Zeqiri, një periudhë të gjatë u paraqit për Gjilanin, mendon se do të jetë një ndeshje shumë e fortë mes dy rivalëve të një qytetit.
Ish sulmuesi Zeqiri, pas luftës ka luajtur 13 derbi, në 7 prej tyre ka qenë lojtar i ndeshjes. “Nga paslufta e deri në aktualitetin që ne jetojmë, Gjilani ka qenë, është dhe do të mbetet qyteti i futbollit mbarëshqiptar. Jetëgjatësinë e të qenit në kreun e futbollit kosovar, të dyja klubeve të qytetit ua garanton: 1. Struktura organizative e konsoliduar dhe profesionale e udhëheqësisë së klubeve; 2. sjellja në radhët e veta e futbollistëve cilësorë e të trofeshëm; 3. Vazhdimësia e rezultateve pozitive veçmas si mysafirë; 4. Mbështetja e fuqishme, e dy grupeve të mrekullueshme të tifozërisë ‘Skifterat’ dhe ‘Intelektualët’; 5.
Një mbështetje më e madhe e autoriteteve kompetente për renovimin dhe funksionalizmin e stadiumit aktual; etj.
Secili gjilanas, shpreson fuqishëm që në vitin e ardhshëm, futbolli i Kosovës do të përfaqësohet në Evropë, pikërisht nga dy klubet e qytetit të futbollit mbarëshqiptar Gjilani dhe Drita, e që pikërisht rivaliteti i tyre ka qenë vula e promovimit të futbollit të Kosovës në arenën ndërkombëtare”, tha Zeqiri për gazetën kombëtare “Bota sot”.
