Tibo Kurtua nuk do të luajë ndeshjen e sotme kundër Granadës. Ditën e djeshme ai nuk është stërvitur me skuadrën dhe nga klubi bëjnë me dije se ai ka probleme fizike.
Në fakt, mediat raportojnë se po kalon një gjendje të rënduar psikologjike për shkak të kritikave të shumta nga tifozët dhe ndeshjeve jo të mira që ka bërë me fanellën madrilene. Nga 11 golat e pësuar, 10 prej tyre kanë qenë në zonë dhe kjo do të thotë se faji i Kurtuasë nuk është shumë i madh.
Ai e pranon se në Madrid ka gjithmonë shumë presion. “Sigurisht që ndiej presion, por do të përmirësohem dhe do të punoj. Nëse do të jesh portieri i Realit, duhet të jetosh me presionin”, thotë Kurtua. Për t’i ardhur në ndihmë, Belgjika ka vendosur ta grumbullojë për dy ndeshjet eliminatore.
