Megjithë fitoren 2-1 në Genoa mbrëmë, ka raporte në rritje që Milani do ta shkarkojë trajnerin Marco Giampaolo.
Ai ishte konsideruar në rrezik nëse nuk fitonte në ‘Marassi’, duke triumfuar me rezultat 2-1 falë Theo Hernandez dhe një penalltie të Franck Kessie.
Megjithatë, burime të shumta përfshirë Sky Sport Italia dhe agjencinë e lajmeve Ansa pretendojnë se performanca jo bindëse nuk ishte e mjaftueshme për të shpëtuar punën e tij.
Drejtori Zvonimir Boban është veçanërisht i ashpër ndaj Giampaolo, ndërsa Paolo Maldini kishte kërkuar durim me ish-trajnerin e Sampdoria.
Zgjedhjet e tij fillestare kundër Genoas, duke lënë Rafael Leao, Lucas Paqueta dhe Ismael Bennacer në stol, ngritën nervat.
Opsionet për të zëvendësuar Giampaolo përfshijnë Stefano Pioli, Claudio Ranieri, Luciano Spalletti dhe Arsene Wenger.
