Bundesliga i ka bërë një befasi Milot Rashicës teksa e ka kujtuar një gol spektakolar të tij.
Faqja zyrtare e kampionatit gjerman në ‘Instagram’ ka postuar një prej golave më të bukur të Rashicës me fanellën e Werderit.
“Raketa”, siç quhet Rashica në Gjermani, sezonin e kaluar kishte shënuar një super ‘solo’ gol ndaj Augsburgut.
Për ta rikujtuar atë është përkudjesur faqja e Bundesligas, që si duket ka vendosur ta motivojë Rashicën para ndeshjeve me Kosovën.
23-vjeçari shkaku i lëndimit i mungoi Kosovës në ndeshjet e shtatorit, kundër Anglisë e Çekisë, por do të jetë më se i gatshëm për lojë në ndeshjet e tetorit, kundër Gjibraltarit e Malit të Zi.
Rashica në ndeshjen e fundit të Werder Bremenit, që u zhvillua mbrëmë, ishte heroi i ekipit gjerman me golin e shënuar në fund nga penalltia, për ta barazuar rezultatin.
