Atalanta po zhvillon një tjetër sezon të mrekullueshëm.
Zikaltrit mbajnë vendin e tretë në kampionat pas shtatë javëve të para dhe po marrin pjesë për herë të parë në historinë e tyre në Champions League.
Arkitekti i këtij suksesi është trajneri Gian Piero Gasperini, i cili është kthyer të flasë për eksperiencën e tij tek Inter-i në një intervistë të dhënë për UEFA-n
"Ajo aventurë më ka djegur në nivelet e larta. Kam qenë i detyruar të rifilloja gjithçka nga e para në drejtim të një ekipi që ndodhej në vendet e fundit të renditjes".
"Megjithatë, në Bergamo kam gjetur një klub shumë të organizuar, me një president ambicioz dhe një tifozeri të dashuruar me skuadrën e saj. Gjithë këto përbërës, bashkë me një ide të qartë futbolli, kanë ndihmuar në evoluimin tonë", ka thënë Gasperini.
