Superliga e Kosovës në futboll do të vazhdoj sot javën e 10-të me vetën një ndeshje e cila do të zhvillohet në Prishtinë.
Është skuadra e Flamurtartit, që pret në stadiumin “Xhemail Ibishi” skuadrën e Drenicës.
Ndeshje kjo që do të jetë tejet e rëndësishme për të ardhmen e të dyja skuadrave duke parë edhe renditjen tabelare të tyre.
Pas nëntë javëve të zhvilluara, Flamurtari renditet në pozitën e 10-të me gjithsej 8 pikë të grumbulluara, ndërsa Drenica në vendin e tetë me dy pikë më shumë se skuadra nga kryeqyteti.
Kjo ndeshje fillon nga ora 14:00.
