Sulmuesi shqiptar i Përfaqësueses së Kosovës, Vedat Muriqi ka vazhduar me formën e lartë në kampionatin turk me skuadrën e Fenerbahces.
Muriqi ishte në listën e golashënuesve edhe në fitoren e sotme të gjigantit turk në xhiron e tetë ndaj Denizlispor. Fenerbahce fitoi në udhëtim me rezultat 2:1.
Sulmuesi nga Prizreni shënoi në minutën e 62-të golin e dytë dhe të fitores.
Ai zhvilloi një ndeshje fantastike duke u vlerësuar me notën 7.1.
Ky gol është i katërti në fanellën e Fenerbahces pas tetë xhiro të zhvilluara.