Veteranët e futbollit të Ferizajt shënuan rezultate të mira në turneun ndërkombëtar, që u zhvillua për disa ditë në qytetin e Antalisë në Turqi. “Në turne morën pjesë për herë të 8 dhe është tradicional.
Në turne morën pjesë 28 ekipe nga shtetet e ndryshme, si nga Turqia, Moldavia, Rumania, Iraku, Qiproja etj”, tregon Bujar Asllani, futbollist veteran.
Veteranët e Ferizajt deri në gjysmëfinale shënuan 5 fitore, duke pësuar humbje vetëm në minutat e fundit nga Konyaspor me rezultat 2:1. “Përformanca e Ferizajt ishte jashtëzakonisht e mirë duke u renditur i treti në një konkurrencë shumë të fortë”, tha Asllani.
Vlen të përmendet se lojtari ynë Genc Hyseni u shpall lojtari më i mirë i këtij turneu dhe njëkohësisht shënon edhe 10 gola, po ashtu përformancë të shkëlqyeshme patën edhe lojtarët si Fitim Sadriu, Arsim Abazi, Faton Sojeva, Përparim Veliu, portieri Agron Abazi etj.
