Kapiteni i PSG-së, Thiago Silva ka thënë se sulmuesi Kylian Mbappe, është madhështor. Mbappe dje hyri në lojë në minutën e 52-të dhe arriti të shënojë het-trik dhe të bëjë një asistim te Mauro Icardi.
Francezi në këtë mënyrë theu rekordin e yllit të Barcelonës, Lionel Messi, duke u bërë lojtari më i ri në histori të futbollit që shënon het-trik në Champions League. Futbollisti brazilian ka thënë se ylli francez është në formë shumë të mirë.
“Është i mirë dhe lojtar i pabesueshëm. Në pjesën e parë e kishim shumë të vështirë, por në të dytën ishim shumë më të mirë.
Kishim raste, ia dolëm të shënojmë. Sidomos Kylian, është madhështor”, ka thënë Silva. PSG si mysafir e mposhti me rezultat 5:0 kundër Club Bruuge.
