Arsenal mund të largojë Granit Xhakën në janar pasi trajneri Unai Emery nuk pranoi të tregonte nëse lojtari do të luajë përsëri me klubin.
Granit Xhaka ka humbur shiritin e kapitenit te Arsenal, pas incidentit me tifozët në ndeshjen kundër Crystal Palace.
Mesfushori derisa po largohej nga fusha kundër Crystal Palace, u fishkëllye nga tifozët, dhe ky nuk hezitoi t’u reagonte atyre, për të rritur edhe më shumë këtë përplasje.
Lojtari pak ditë pas ndeshjes përmes një letre kërkoi falje për sjelljen e tij, por vazhdon të injorohet nga trajneri Emery, duke u lënë jashtë skuadrës për dy ndeshje.
Është tani Daily Mirror që raporton se Arsenal mund të vendos shitjen e Xhakës në afatin kalimtar të janarit.
E ardhmja e Xhakës mund të jetë në Bundesligë, kur në të kaluarën ka veshur fanellën e Borussia Monchengladbach, dhe ka pasur kujtime të mira.