Trajneri Unai Emery ka refuzuar t’i përgjigjet pyetjes nëse Granit Xhaka do të paraqitet sërish në fanellën e Arsenal.
Mesfushori me prejardhje nga Kosova ka humbur shiritin e kapitenit te Arsenal, pas zënkës me tifozët në ndeshjen kundër Crystal Palace.
Unai Emery të martën ka konfirmuar se Xhakës i është hequr shiriti i kapitenit, teksa lojtari nuk është ftuar as për ndeshjen kundër e Ligës së Evropës, kundër Vitorias.
“Kam folur me Xhakën dhe ai nuk është më kapiten i grupit”, ka deklaruar Emery.
“Ia kam thënë këtë dhe ai ka pranuar vendimin tim. Dhe për mua kjo është e mbyllur”.
“Ai nuk ka udhëtuar me skuadrën dhe ne kemi nevojë për më shumë kohë për të”.
Në pyetjen nëse Xhaka do të luajë sërish për Arsenalin, Emery është përgjigjur: “E ardhmja është e ardhmja e Arsenalit. Ne kemi një ndeshje të rëndësishme të shtunën”.
“Ne kemi për të marrë disa vendime. Jemi te fokusuar te ndeshja me Vitorian. Ai është lojtari ynë, ne duhet ta respektojmë atë”.
