Feronikeli e mposht Prishtinën me rezultat 3:2 në derbin e javës së 14-të të elitës së futbollit të Kosovës. “Nikli” importon tri pikë domethënëse nga kryeqyteti dhe i futës valles shumë seriozisht për kreun e tabelës. Ndeshje e fortë është zhvilluar në stadiumin “Fadil Vokrri” në Prishtinë, ku u shënuan gjithsej pesë gola.
Feronikeli pas serisë së zezë më në fund iu kthehet fitoreve, duke e mposhtur Prishtinën. Në minutën e 3-të, Ahmed Januzi nga penalltia e kaloi në epërsi Prishtinën, ndërsa vetëm tre minuta më vonë (6’) Da Silva nga penalltia barazoi shifrat në 1:1.
Në minutën e 49-të, Diar Miftaraj kaloi në epërsi Prishtinës. Feronikeli me kryetrajner të ri, Agim Sopi, bëri përmbysjen! Ata barazuan shifrat 2:2 me golin e Lapidar Lladrovcit pikërisht në minutën e 59-të. Në çastet e fundit, ‘Nikli’ siguroi fitoren e madhe, duke iu falënderuar golit të Da Silvas.
Tri pikë në kohën e duhur për skuadrën nga Drenasi, ndërsa Prishtina zhgënjen tifozët e vet. Prishtina është në vend të katërt me 24 pikë, ndërsa Feronikeli është në pozitën e gjashtë me 22 sosh. ‘Nikli’ ngec për 8 pikë nga lideri Ballkani.
