Sulmuesi Florian Kamberi ishte risia e listës së përzgjedhësit të Shqipërisë, Edy Reja, për 2 sfidat e muajit nëntor ndaj Andorrës dhe Francës.
Sulmuesi 24-vjeçar duket se ka qenë i pafat dhe nuk mundi të debutonte në këto përballje. Kamberi ka pasur një lëndim në kavilje dhe si pasojë ai është larguar ditën e sotme nga grumbullimi i Kombëtares.
Gjithashtu bëhet e ditur se futbollistit nuk i ka mbërritur lejekalimi nga FIFA, teksa i duhet të pajiset me dokumentacionin e nevojshëm, për t’u aktivizuar me fanellën kuqezi.
Pak minuta më parë, 24-vjeçari, ka postuar në “Instagram” një story nga Zurich-u, së bashku me disa të afërm të tij, duke konsumuar kafe. Ai kthehet në Skoci, te Hibernian.