Ultras Skifterat kanë shënuar 20 vjetorin e veprimtarisë së tyre edhe me një këngë.
Grupi zyrtar i tifozëve të skuadrës KF Gjilani është themeluar në vitin 1999 dhe ka vendosur për të shënuar dy dekadat e ekzistencës me disa aktivitete interesante.
Dje (19 nëntor) është zhvilluar një ekspozitë me 99 fotografi në Teatrin e Qytetit të Gjilanit, ndërsa sot (e mërkurë) janë bërë homazhe në nderim të dëshmorëve në Gjilan, Prekaz dhe Koshare.
Përveç kësaj, klubi ka publikuar këtë mbrëmje edhe një këngë me titullin “Krah për krah”.
Për realizimin e këtij projekti është përkujdesur grupi i mirëfilltë shqiptar Jericho.
Skifterat në agjendën e tyre në ditën e nesërme kanë një turne kompetitv në futboll të vogël, pasnesër një aksion mbështetës dhe bamirëse, ndërsa të shtunën zhvillohet mbrëmja festive e përvjetorit në sallën e sporteve.
