Cristiano Ronaldo nuk do të jetë në dispozicion të trajnerit Sarri në sfidën e sotme ndaj Atalantës. Portugezi u kthye me probleme fizike nga impenjimi me kombëtaren e Portugalisë dhe për këtë arsye po ndjek një program individual stërvitor, për të lënë pas shqetësimin muskulor të javëve të fundit.
Objektivi i stafit të bardhezinjve është të jetë i gatshëm për ndeshjen e Championsit kundër Atletico Madridit. Juventusi ka bërë publike së fundmi listën me futbollistët e grumbulluar për sfidën e nesërme, teksa përveç CR7 bie në sy edhe mungesa e Aleks Sandros si dhe Rabiot.
Pavarësisht këtyre mungesave, alternativat për trajnerin Sarri duke me bollëk, pasi bardhezinjtë kanë në dispozicion një kontingjent të madh lojtarësh. Portugezi u kthye me probleme fizike nga impenjimi me kombëtaren, për këtë arsye po ndjek një program individual stërvitor, për të lënë pas shqetësimin muskulor të javëve të fundit. “Mes meje dhe tij, – shpjegoi Sarri në konferencën për shtyp, – nuk është i nevojshëm asnjë sqarim pas zëvendësimit kundër Milanit.
Janë gjëra normale që ndodhin gjithmonë. Në Bergamo, me 99 për qind të mundësive nuk do të jetë”. E sigurisht, në vijim të përgjigjes për marrëdhënien e tij me Ronaldon, Sarri sqaroi. “Edhe kur luajnë diletantët, ka gjëra të tilla në momentet e ndërrimeve. Unë vij nga vitet ‘90 dhe ose do ta kaloja kohën duke sqaruar ose do të mësohesha me raste të tilla dhe do t’i lija futbollistët të shfrynin”.
Liga e Italisë, java e 13-të
E shtunë
Atalanta-Juventus 15.00
AC Milan-Napoli 18.00
Torino-Inter 20.45
E diel
Bologna-Parma 12.30
AS Roma-Brescia 15.00
Sassuolo-Lazio 15.00
Verona-Fiorentina 15.00
Sampdoria-Udinese 18.00
Lecce-Cagliari 20.45
E hënë
Spal-Genoa 20.45