Nijas Lena, golin e fitores ndaj Shkëndijës ia dedikon atyre që humbën jetën, dhe familjarëve të tyre, në Shqipëri
Mesfushori i FC Struga, Nijas Lena, ka folur pas triumfit në derbin kundër Shkëndijës.
Ai ka shënuar golin në pjesën e dytë, duke përnbysur rezultatin në 2:1.
^Ishte një ndeshje shumë e mirë, besoj se sot të gjithë të pranishmit kanë ndjekur një ndeshje të bukur dhe e kanë shijuar fitoren e bukur*, i deklaroi Lena gazetarit Reshat Ibrahimi.
"Dedikimi padiskutim është për ata që humbën jetën dhe për familjarët e tyre që kanë humbur më të dashurit dhe të afërmit e tyre. Gjithashtu edhe për ata që kanë dëmtime. Zoti ia lehtësoftë dhembjen", tha Lena.
