Ronaldos iu mohua “Topi i Artë”, drejtuesi i Juventus ka një mesazh mbi vlerësimin - Bota Sot
Ronaldos iu mohua “Topi i Artë”, drejtuesi i Juventus ka një mesazh mbi vlerësimin

Futboll

Ronaldos iu mohua “Topi i Artë”, drejtuesi i Juventus ka një mesazh mbi vlerësimin

Më: 3 dhjetor 2019 Në ora: 00:24
Cristiano Ronaldo

Prezent në Milano me rastin e ceremonisë “Gran Galà të Futbollit AIC”, drejtori sportiv i Juventus, Fabio Paratici u shpreh ndër të tjera për mediat edhe për trofeun e “Topit të Artë” të fituar nga Lionel Messi, rivali historik i Cristiano Ronaldos.

“E kemi thënë gjithmonë: mendojmë se meritonte ta fitonte Cristiano Ronaldo. Pastaj në këto çmime, klasifikimet janë gjithmonë të diskutueshme. Moment i vështirë? Për mua nuk duket ashtu”. 

“Sikurse e dini, ka qenë jashtë për një periudhë dhe duhet ta falenderojmë sepse është vënë gjithmonë në dispozicion të trajnerit. Madje edhe në një pozitë jo optimale. Nuk ka mundur të stërvitet për një periudhë, është normale që të ketë një moment jo në formë optimale”, citon “Tuttomercatoweb”.

Shfaq komentet
comments powered by Disqus
Sot mund të lexoni Shfletoni kopertinat