Jose Mourinho ka shijuar humbjen e parë si trajner i Tottenham Hotspur, duke u mposhtur 2:1 në ‘Old Trafford’ nga Manchester United.
Marcus Rashford në minutën e 6-të me një gol të bukur, i dha epërsinë 1:0 ‘Djajve të Kuq’.
Në minutën e 39-të, Dele Alli barazoi rezultatin për të shkuar me barazim 1:1 të dy skuadrat në pushimin e pjesës së parë.
Heroi i Manchester United në këtë derbi doli të jetë Marcus Rashford, që me të filluar pjesa e dytë, shënoi edhe njëherë, tani nga penalltia, për 2:1.
Me këtë fitore Manchester United numëron 21 pikë dhe renditet në vendin e 6-të, ndërsa Tottenham me 20 pikë në pozitën e 8-të.
Me të njëjtin rezultat (2:1) ka fituar edhe Chelsea ndaj Aston Villas.
