Mediet serbe merren edhe me këtë detaj për Shaqirin - Bota Sot
Mediet serbe merren edhe me këtë detaj për Shaqirin

Futboll

Mediet serbe merren edhe me këtë detaj për Shaqirin

Më: 5 dhjetor 2019 Në ora: 00:05
Xherdan Shaqiri

Liverpooli triumfoi sonte në derbin e qytetit ndaj Evertonit me shifrat 5:2. Në këtë ndeshje si titullar luajti edhe Xherdan Shaqiri, i cili bëri një super paraqitje dhe shënoi një gol.

Por, mediet serbe janë marrë me një aspekt tjetër në paraqitjen e sotme të futbollistit nga Zhegra e Gjilanit.

Ato janë marrë me flokët e Shaqirit, për të cilat ishte raportuar më herët se ai i kishte mbjellë.

“Zvicerani vjen me imazh të ri në derbin e Merseyside”, shkruan mediumi serb “telegraf.rs”.

“Futbollisti i Liverpoolit, Xherdan Shaiqri ishte shënuesi i golit të dytë, 2:0 në derbin e qytetit me Evertonin dhe tifozët shpejtë e panë ndryshimin në kokën e tij. Është një imazh i ri i futbollistit, siç mund të shihet në foto, ai ka përmirësuar flokët në pjesët ku ka pasur mungesë”, shkruan më tej ky medium.

Shfaq komentet
comments powered by Disqus
Sot mund të lexoni Shfletoni kopertinat