Paris Saint-Germaini është i vendosur të mos ndahet me Neymarin gjatë afatit kalimtar të janarit.
Mirëpo, klubi francez do t’i dëgjojë ofertat për sulmuesin brazilian gjatë verës së ardhshme, shkruan e përditshmja spanjolle “Marca”.
Ish-futbollisti i Santosit e kishte shprehur dëshirën për t’u rikthyer në Barcelonë gjatë verës që shkoi, por në fund palët nuk u morën vesh.
Barça e kishte shitur futbollistin për 222 milionë euro, afro dy vjet e gjysmë më parë.
Tash, duket se dëshira e përfaqësuesit brazilian për t’u rikthyer në Camp Nou mund të plotësohet në verën e vitit 2020.
