Matthaus zbulon arsyen e krizës dhe paralajmëron Bayern-in - Bota Sot
Matthaus zbulon arsyen e krizës dhe paralajmëron Bayern-in

Futboll

Matthaus zbulon arsyen e krizës dhe paralajmëron Bayern-in

Më: 10 dhjetor 2019 Në ora: 17:12
Lothar Matthaus

Dy humbje radhazi në kampionat kundër Bayer Leverkusen dhe Borussia Monchengladbach. Bayern Munich nuk po kalon një moment të mirë në Bundesliga. Pas shkarkimit të Kovac dhe konfirmimit të zëvendësit Flick, u duk sikur situata u përmirësuar, por efekti i ndryshimit ka zgjatur pak.

Lothar Matthaus, legjenda e futbollit gjerman dhe e bavarezëve, ka folur për arsyet e krizës së kampionëve të Gjermanisë, duke mos i kursyer thumbimet.

"Kundërshtarët nuk kanë më frikë kur përballen me Bayern-in", ka thënë Matthaus për Sky Sports. "Edhe nëse kundërshtarët pësojnë gol, nuk e humbin besimin se mund ta fitojnë ndeshjen me përmbysje. Dhe disa arrijnë ta bëjnë. Kjo ishte një gjë e rrallë në të kaluarën".

"Nëse Bayern do të vazhdojë të dobësohet dhe Gladbach, Leipzig ose Dortmund vazhdojnë të luajnë kaq mirë, do të ketë shumë probleme në fundin e sezonit. Me përjashtim të Bayern-it dhe tifozëve të tyre, të gjithë janë të lumtur".

Bayern Munich mban vendin e shtatë në renditjen e kampionatit dhe është shtatë pikë larg kreut të Bundesliga-s, që mbahet nga Borussia Monchengladbach.

Shfaq komentet
comments powered by Disqus
Sot mund të lexoni Shfletoni kopertinat