Kosova gjithmonë ka dhënë emra të mëdhenj të sportit në të gjitha disiplinat.
Një emër i respektuar, asi ynë, që sot flasin për të me shumë emocione gjeneratat e vjetra është Esat Mehmeti, ish portier i dëshmuar federativ në ish Jugosllavi.
KF Liria e asaj kohe, Mehmeti me fanellë të verdhë
Mehmeti kujtohet si portier i shkëlqyer në futboll, që i jepte siguri portës, ishte si ‘mur’ në portë.
Ai karrierën e nisi në klubin e futbollit Llapi nga Podujeva, që dha emra të mëdhenj të futbollit, nga Fadil Vokrri, Selatin Vokrri, ish portieri Shukri Paçarada (që mbahet mend ndeshja e tij me Cërvena Zvezdën në Beograd, në pranverën e vitit 1987, kur u ndanë me rezultat 0:0, Paçarada kishte sa një qind duar, shokoi Marakanën), Avni Stublla, Ridvan Ymeri, Fadil Kodraliu etj.
Mehmeti ka pasur një karrierë të bujshme, në Trepçë të Mitrovicës, në Vardar të Shkupit, në Buduçnost të Pejës, në Liri të Prizrenit, pak shumë pak ishte edhe në Prishtinë etj.
Disa në opinion thonë se Esat Mehmeti është portieri më i mirë i të gjitha kohërave, e vlerësojnë lartë kohën e tij. Ata që e kanë mbërri kohën e tij e thonë me plot kuptimin e fjalës, legjendë e futbollit, portieri më i mirë i të gjitha kohërave.
Krahas tij Kosova ka pasur mjaft portier të dëshmuar si Neshet Zhaveli, Shukri Paçarada etj. Mehmeti, një portier i papërsëritshëm, më i miri i të gjitha kohërave. Në kohën e tij ka qenë energjik, që besa edhe temperament por edhe një trim i madh.