Diego Simeone është vënë në diskutim për shkak të ecurisë jo shumë të mirë të Atletico Madrid në këtë sezon, me Colchoneros që mbajnë vendin e shtatë në La Liga.
Ish-sulmuesi i madrilenëve, Fernando Torres, ka dalë në mbrojtje të argjentinasit. "Skuadra më duket shumë mirë. Në një sezon ka gjithmonë ulje dhe ngritje", ka thënë Torres për Marca-n.
"Megjithatë, Atletico përgjigjet gjithmonë në pjesën më të rëndësishme të sezonit. Simeone? Dyshimet mbi të vijnë nga jashtë. Ai e di shumë mirë çfarë do dhe në fund i arrin gjithmonë objektivat. Sigurisht, nuk është normale të shihet Atletico në vendin e pestë ose të shtatë të renditje, por mbetet konkurrues".
"Problemi i golit? Dëgjoj të flitet për këtë që kur unë isha 17-vjeç, por ka lojtarë dhe sulmues fantastikë".
