Milani qysh tani ka filluar të mendojë për merkaton e Janarit.
Megjithatë duket se jo gjithçka pritet të shkojë mirë për Rossonerët sa i përket tregut të transferimeve.
Kjo pasi “kuq e zinjtë” po refuzohen nga shumë emra të mëdhenj, për faktin se nuk po luajnë në Champions, e kjo mungesë në garën më të madhe për klube në kontinentin e vjetër do të jetë barrë e madhe në dëshirën e tyre për t’u përforcuar me lojtarë eminentë.
I fundit që ka refuzuar ofertën e kampionit të 18’fishtë italian, është mbrojtësi francez, Todibo. Anëtari i Barcelonës më shumë preferon një kalim në Monaco ose Manchester United, me të cilat klube ende është në kontakt.
Gjithsesi, mbetet të shihet sesi do të rrjedhin gjërat sa i përket kësaj çështjeje në mini-afatin kalimtar të Janarit.
