UEFA e dënon Çekinë, shkak Kosova - Bota Sot
UEFA e dënon Çekinë, shkak Kosova

Futboll

UEFA e dënon Çekinë, shkak Kosova

Më: 21 dhjetor 2019 Në ora: 11:26
UEFA e dënon Çekinë, shkak Kosova

Kombëtarja e Republikës së Çekisë ishte nikoqire e Kosovës më 14 nëntor në Plzen.

E në atë takim kishte fyerje ndaj kosovarëve si dhe u shpalosën flamuj të Serbisë me qëllim që të provokohen futbollistët dhe tifozët mysafirë.

Gjithashtu në disa raste kishte edhe hedhje të gjësendeve në fushë dhe kjo ka qenë arsyeja që UEFA ka dënuar federatën e futbollit të Çekisë.

“CEDB ka vendosur të dënojë Federatën e Futbollit të Çekisë me 17.750 euro për mesazhe provokuese politike dhe për hedhje të gjësendeve”, thuhet në njoftimin e UEFA-s.

Edhe futbollistët e Kosovës ishin ankuar tek gjyqtari gjatë ndeshjes për thirrje politike të tifozëve vendas.

Gjithsesi në atë takim çekët kishin triumfuar me rezultat 2-1 pas rikthimit, pasi fillimisht Dardanët kishin realizuar me anë të Atdhe Nuhiut.

Shfaq komentet
comments powered by Disqus
Sot mund të lexoni Shfletoni kopertinat