Jose Mourinho e filloi në mënyrë të çuditshme një intervistë të drejtpërdrejtë, duke zbuluar se humbi qenin e tij për Krishtlindje.
Pra, Jose Mourinho ka kaluar një festë për t’u harruar, pasi i ka ngordhur kafsha besnike e familjes.
Trajneri i Tottenham ishte duke dhënë një intervistë para ndeshjes së “Boxing Day” kundër Brighton, kur u pyet nga prezantuesi Jim Rosenthal nëse i kishte shijuar Krishtlindjet deri më tani.
Sad news to start the day from Jose Mourinho...
— Amazon Prime Video Sport (@primevideosport) December 26, 2019
Hopefully the football will bring a smile to his face#PLonPrime pic.twitter.com/ihN49HvF4H
Mourinho, gati në lot, mjaft i emocionuar, u përgjigj: “Për të qenë i sinqertë, pata një Krishtlindje shumë të trishtuar, sepse ngordhi qeni im. Mos harroni se qeni është pjesë e familjes sime.
Sidoqoftë, duhet të vazhdojmë përpara”. Situata mund të ishte e vështirë për Rosenthal, por gazetari veteran e trajtoi atë moment me profesionalizëm dhe ofroi ngushëllimet e tij.
