Ledian Memushaj një nga lojtarët më të rëndësishëm të Pescarës ka përfunduar jashtë listës së lojtarëve të grumbulluar për sfidën e kësaj të diele ndaj Chievos e fundit për vitin 2019-të.
Shkak është bërë një përplasje e mesfushorit shqiptar me trajnerin e abrucezëve Luciano Zauri.
Memushaj i ka kërkuar llogari këtij të fundit për faktin se është zëvendësuar në 6 takime gjatë këtij sezoni, i fundit ka ardhur në fitoren 2-0 ndaj Livornos së Tramezzanit me vlonjatin që ka lënë fushën në minutën e 82-të.
Trajneri Zauri pasi ka debatuar me Memushajn i ka kërkuar futbollistit shqiptar të ketë më shumë respekt për shokët e skuadrës pasi të gjithë dëshirojnë të luajnë dhe për këtë arsye ai e ka lënë jashtë sfidës ndaj Chievos.