Trajneri i Manchester City, Pep Guardiola, ka dhënë disa komente lidhur me të ardhmen e Fernandinho.
Guardiola është i bindur se ylli brazilian i City, Fernandinho, do të vazhdojë kontratën e tij për qëndrimin tek ‘Citizens’.
Mesfushori do të jetë pa kontratë në fund të këtij sezoni, por trajneri spanjoll beson se ai do të vazhdojë qëndrimin.
“Është problem i Txiki, jo i imi. Sigurisht, dua që ai të qëndrojë. Kam besimin dhe jam i kënaqur për tri vite gjysmë tona” ka thënë Guardiola për Fernandinho.
“Ai nuk ka pse të më bind mua. Ai më ka bindur qysh në ditën e parë, tri vite e gjysmë më parë, kur filluam të punojmë së bashku” shtoi Pep.
Braziliani së fundmi i ka shërbyer Guardiolas edhe në qendrën e mbrojtjes.
