Me rikthimin e Ibrahimovicit në San Siro, vështirë se do të gjejë vend në formacionin bazë.
Polaku Krzysztof Piatek shkëlqeu në vitin e parë, megjithëse pasoi një rënie e formës së tij, në pjesën e dytë të sezonit të kaluar dhe atë të parin të 2019/2020-ës.
Milani si duket është i gatshëm ta largojë atë, por vetëm me ndonjë ofertë konkrete.
Para disa ditësh, Pioli pati deklaruar se polaku nuk duhet të frikësohet me ardhjen e Ibras, por se konkurrenca do ta bëjë edhe më të fortë.
Pikërisht prej nga erdhi, Genoa, po e kërkon rikthimin e tij, ndërkaq edhe Crystal Palace ka shfaqur interesim. Në mini-afatin kalimtar të Janarit priten të reja, mirëpo nuk pritet ndonjë largim eventual, pasi çfarëdo që ndodhë me Ibran, të paktën ka një sulmues të mirëfilltë në bankën rezervë.