Shefi ekzekutiv i Inter, Giuseppe Marotta, ka zbuluar disa nga planet e skuadrës italiane për merkaton.
Beppe Marotta ka bërë të ditur se Inter synon të përforcohet në fazën e mesfushës, por jo vetëm.
Një nga emrat që është lidhur më së shumti me kalimin tek Inter gjatë kësaj merkatoje është ai i Arturo Vidal, yllit të Barcelonës.
Një interesim për lojtarin e katalanëve e ka konfirmuar edhe shefi ekzekutiv i Inter, Marotta.
“Vidal është një nga objektivët tanë. Kurse, sa i përket yllit të Tottenham, Eriksen, merkatoja mbyllet në fund të janarit” ka thënë Marotta, transmeton lajmi.net.
“Po punojmë shumë, por për të përmirësuar kualitetin e skuadrës, nënshkrimet janë të nevojshme dhe është e qartë se ka vështirësi” ka shtuar shefi ekzekutiv i ‘Zi kaltërve’.
Barcelona nuk janë të bindur që ta lënë Vidal të largohet, kurse Inter duket se do të tentojnë deri në fund për lojtarin kilian.