Skocia ndalet kur Celtic dhe Rangers përballen në derbin e Glasgout.
Një sfidë klasike që njihet ndryshe si Old Firm. Për shkak të disa rastësive, kalendari mund t'i shumëfishojë ndeshjet mes dy klubeve më të titulluar të futbollit skocez.
Në harkun e 20 ditëve mund të luhen plot pesë Old Firm. Në rast se shorti i Kupës së Skocisë do t'i vërë përballë në 1/8-at, ndeshja e parë mund të luhet më 29 shkurt dhe në rast barazimi, sfida do të përsëritej më 4 mars.
Të dy skuadrat janë të kualifikuara në fazën me eliminim direkt të Europa League. Nëse do të kualifikohen në 1/8-at, shorti mund të ofrojë një tjetër Old Firm, me ndeshjen e parë që do të luhej më 12 mars dhe ajo e kthimit një javë më pas.
E vetmja siguri në gjithë këto hipoteza është ndeshja e kampionatit që do të zhvillohet më 15 mars. Sfida e fundit është fituar 2-1 nga Rangers.