Pak orë para fillimit të ndeshjes, trajneri i mirënjohur, Bylbyl Sokoli në një prononcim për kp tha se kjo ndeshje duhet të shfrytëzohet nga lojtarët e ftuar nga përzgjedhësi Bernard Challandes, të cilët vijnë nga Superliga.
Sipas tij djelmoshat nga Kosova mund ta shfrytëzojnë këtë ndeshje për të rë në sy të ndonjë menaxheri ku do ta kishin më lehtë futjen e tyre në tregun ndërkombëtar.
“Ballafaqimi i sotëm ka për qëllim të testohet numri i futbollsitëve që nuk kanë pasur rast të paraqiten gjatë garave të kualifikimit. Njëkohësisht ti ofrohet mundësia një numri të futbollistëve të jenë pranë menagjerëve të cilët mund të iu ndihmojnë në plasimin e tyre në tregun ndërkombëtar”, tha fillimisht Sokoli.
Sokoli gjithashtu e cilëson ftesën e Challandes si një motiv të madh për futbollistët dhe sipas tij Kosova duhet të zhvillojë sa më shumë ndeshje të këtij lloji.
“Ftesa është një motiv për të gjithë futbollistët që janë ftuar dhe që pritet të ftohen në ndonjë rast tjetër. Këto ndeshje janë të karakterit kontrollus dhe kishte me qenë mirë të ketë sa më shumë ndeshje të këtij lloj”, shtoi ai.
Sipas Sokolit është kompetencë e Challandes së kë ta ftojë ose jo.
“Unë mendoj që është në kompetence të përzgjedhësit se kë e fton, ndërsa nëse ndonjë futbollist nuk është ftuar në këtë rast mesiguri do të ftohet herën tjetër, në ndeshjet tjera të radhës”, përfundoi Sokoli.
Kujtojmë që ndeshja mes Kosovës dhe Suedisë zhvillohet sot nga ora 15:45, në Doha të Katarit, aty ku Kosova është duke qëndruar tash e 6 ditë.
