Kombëtarja e Suedisë u përballë sot me Kosovën në një ndeshje miqësore, duke fituar me rezultat 1:0.
Përveç se me Kosovën, Suedia luajti edhe ndaj Moldavisë ditë më parë në Doha të Katarit.
Ditë më parë, bëri bujë një deklaratë e të parit të Federatës së Futbollit të Kosovës, Agim Ademi.
Ademi pretendoi se Federata e Futbollit të Suedisë ka paguar të gjitha shpenzimet e kombëtares së Kosovës në Katar.
"Suedia gjithmonë ka qenë miqësore dhe na ka mbështetur në forma të ndryshme. Kësaj radhe, ata kanë treguar bujarinë ndaj ekipit tonë duke paguar të gjitha shpenzimet e udhëtimit dhe akomodimit në Katar", kishte thënë Agim Ademi.
Megjithatë, një gjë e tillë është mohuar kategorikisht nga menaxheri i ekipit kombëtar të Suedisë, Stefan Pettersson.
Në një intervistë me "Channel Channel", Pettersson ka bërë me dije se kjo nuk është e vërtetë.
"Nuk është e vërtetë që ne kemi paguar për Kosovën", ka thënë ai.
