Pas mesfushorit Geston Fernandes një tjetër portugez mund të vijë te skuadra e Tottenham në merkaton e dimrit.
Sipas “El Desmarque”, trajneri Jose Mourinho ka kërkuar që të sjellë te Tottenham mbrojtësin e krahut të djathtë Joao Cancelo, që aktualisht luan me Manchester City (erdhi në merkaton e verës nga Juventusi). Këtë sezon, mbrojtësi 25-vjeçar është aktivizuar vetëm në 7 ndeshje, shumë pak.
Për këtë arsye, Mourinho synon ta sjellë lojtarin portugez te Tottenham, ku do të gjende më shumë hapësira. Cancelo disa herë është ankuar për aktivizimin e pakët dhe ky mund të ishte një rast i mirë për të treguar veten në një ekip të ri.
Cancelo ka një kontratë deri në vitin 2025 me Manchester City dhe kushton rreth 50 milionë euro edhe pse vlera e tij ka rënë. Ka gjasa që Cancelo të shkojë te Tottenham në formë huazimi deri në fund të sezonit, me të drejtë blerje.
