Benzema kthehet në stërvitje, para përballjes me Sevillan - Bota Sot
Benzema kthehet në stërvitje, para përballjes me Sevillan

Futboll

Benzema kthehet në stërvitje, para përballjes me Sevillan

Më: 16 janar 2020 Në ora: 16:18
Benzema kthehet në stërvitje, para përballjes me Sevillan

Përderisa Sergio Ramos dhe Fede Valverdes i janë bashkuar Eden Hazardit në listën e lojtarëve të Real Madridit që do të mungojnë për ndeshjen kundër Sevillas, kthimi i Karim Benzemas mund të jetë vendimtar për skuadrën e Zinedine Zidane.

Sulmuesi francez Karim Benzema mund të jetë në dispozicion për trajnerin Zinedine Zidane për ndeshjen e së shtunës kundër Sevillas, pasi mori pjesë në seancën stërvitore të së enjtes.

Pas lëndimit që e kishte marrë sulmuesi para dy javëve, duke ia pamundësuar pjesëmarrjen në Superkupën e Spanjë në Arabi Saudite, kjo është hera e parë që Benzema do të ketë mundësi të luajë në një ndeshje.

Përveç Benzemas, trajneri Zidane mund ta ketë në dispozicion edhe një tjetër sulmues, Luka Jovicin, për këtë ndeshje. Sulmuesi serb duket se është rikuperuar nga goditja që e pësoi në ndeshjen e Superkupës së Spanjës.

Në listën e lojtarëve që e kanë të pamundur të luajnë në ndeshjen kundër ish-trajnerit të Real Madridit, Julen Lopeteguit, janë edhe Sergio Ramos dhe Eden Hazardi, që po e vazhdojnë procesin rikuperues. Ndërkohë, edhe Fede Valverde mungoi në skuadrën që udhëtoi në Sevilla.

Shfaq komentet
comments powered by Disqus
Sot mund të lexoni Shfletoni kopertinat