E ardhmja e Xherdan Shaqirit në Liverpool është në dyshim. Klubi italian, AS Roma është duke e kërkuar me ngulm mesfushorin sulmues nga Gjilani.
Mediet në Itali kanë raportuar se Roma ka kthyer interesimin për të pas dështimit të marrëveshjes me Interin, për shkëmbimin e futbollistëve Matteo Poliano dhe Spinazola.
Madje këtë e ka konfirmuar edhe gazetari i njohur italian i Sky Sports, Gianluca Di Marzio, i cili ka shkruar se Roma ka kthyer interesimin për Shaqirin.
Në portalin e tij Di Marzio, ka shkruar se Roma ka kontaktuar Liverpoolin duke i propozuar huazimin e Shaqirit me mundësi të blerjes në fund të sezonit.
Mbetet të shihet përgjigja e Liverpoolit, pasi në kërkesën e parë që ndodhi para një jave Roma është refuzuar.
Shaqiri e njeh mirë kampionatin italian, pasi ishte pjesë e Interit për një sezon
Ish ylli i Bayern Munich këtë sezon ka pasur probleme me lëndime. Ai është paraqitur në vetëm gjashtë ndeshje në Premier Ligë.