Adnan Januzaj dëshiron të largohet nga Real Sociedad dhe planifikon të ardhmen në Itali.
Mesfushori ka zgjuar interesim nga Roma, por edhe Milan, ka bërë të ditur menaxheri i tij, Dirk de Vriese.
Gjatë një prononcimi për Calciomercato.com, ai ka dhënë detaje në lidhje me interesimin për Januzajn.
“Po, sigurisht”, u përgjigj De Vriese në pyetjen nëse Januzaj ka zgjuar interesim nga Serie A, gjatë këtij afati kalimtar të janarit.
Në lidhje me bisedimet me Romën, ai shtoi: “Nesër do të takohem me Real Sociedadin për të kuptuar qëndrimin e tyre”. De Vriese ka konfirmuar po ashtu interesimin nga Milan për Januzajn.
“Po, mund ta konfirmoj. Januzaj do të përgjigjej pozitivisht ndaj një oferte nga Milan”, theksoi ai.