Skuadra e Arsenal barazoi 2-2 ndaj Chelsea në derbin londinez në ndeshjen e vlefshme për Premier League. Edhe pse me një lojtar më pak (David Luiz doli me karton të kuq në minutën e 26-të), “topçinjtë” arritën të kapin dy herë “blutë”.
Trajneri i Arsenal, Mikel Arteta, tha: “Koha do të tregojë nëse ky barazim, kjo ndeshje, do të jetë një pikë kthese për ekipin tonë. Gjithsesi, ajo që më pëlqeu ishte vendosmëria që tregoi skuadra. Këtë gjë u kërkoj gjithnjë djemve, të mos dorëzohen”.
“Ne duhet të mësohemi që të luajmë me këtë ritëm dhe grintë çdo 3 ditë nëse duam të bëhemi një skuadër e madhe”, tha trajneri Mikel Arteta.
