Milani do të luajë nesër në mbrëmje përballë Breshas dhe kuqezinjtë do të kërkojnë të vazhdojnë serinë e fitoreve, edhe pse misioni nuk do të jetë i lehtë. Për të folur mbi këtë sfidë dhe jo vetëm, përpara mediave ka dalë Stefano Pioli, i cili shprehet se ekipi ka ende shumë punë dhe rrugë për të bërë.
Ecuria e mirë? “Ende ka shumë për të përmirësuar, por rezultatet po na ndihmojnë. Shifrat nuk gënjejnë kurrë. Ndeshjet jashtë fushe, kanë qenë pozitive, sepse ne përpiqemi të imponojmë lojën tonë. Sidoqoftë ka ende shumë për të bërë, duhet të përqendroheni”.
Pika e kthesës? “Më pyesni që kur kam ardhur këtu madje me te drejtë. Çdo ndeshje është vendimtare. Vetëm në këtë mënyrë ne mund të bëjmë mirë. Është koha për të mbajtur kokën lart, të shtyjmë përpara dhe të mos mendojmë se në çfarë vendi do jemi në 24 maj”.
Efekti Ibra? “Ai është një vlerë e shtuar për përqëndrimin, profesionalizmin dhe vendosmërinë që ai ka çdo ditë. Nuk më befason që pati një efekt kaq të menjëhershëm tek ne. Ne po flasim për një nga lojtarët më të mirë në botë, kam pritur shumë prej tij dhe kam gjetur një person shumë të dobishëm dhe inteligjent”.
Paketa? “Kanë mbetur ende disa ditë deri në fund të merkatos. Tani për tani kemi qenë shumë mirë dhe të përqendruar dhe Lukas është gjithashtu shumë i dobishëm. Ai duhet të ketë bindjen se është një lojtar i kompletuar, por ai duhet të bëhet një lojtar më vendimtar në fazën e finalizimit”.
