Juventus do të ketë një mungesë të madhe në dy ndeshjet e radhës, të cilat i luan kundër Napolit dhe Fiorentinës.
‘Zonja e vjetër’ ka konfirmuar se ata do të jenë pa shërbimet e brazilianit Danilo, në ndeshjet kundër Napoli dhe Fiorentina.
Danilo kishte pësuar një dëmtim në fitoren 3:1 të Juventus kundër Romës, në çerekfinale të Kupës së Italisë, dhe u largua nga fusha e blertë pas vetëm 41 minutave.
Sot, braziliani i është nënshtruar disa testeve, të cilat i kanë paraqitur një problem muskulor.
Këto teste do të përsëriten pas 10 ditëve, për të definuar kohën precize të rikuperimit.
