Milan ka marrë një fitore mjaft të mundimshme në udhëtim te skuadra e Brescias.
Në kuadër të xhiros së 21-të në Serie A, Milan ka shënuar fitore minimale kundër Brescia.
Goli i vetëm i këtij takimi erdhi nga Ante Rebic, i cili në këtë ndeshje erdhi si zëvendësues.
Kroati gjeti rrugën e golit në minutën e 71’ të takimit, për t’i siguruar Milanit tri pikë të rëndësishme.
Brescia pati një varg rastesh në pjesën e dytë, por nuk konkretizoi asnjë – të vetmin që dërgoi në rrjetë, e anuloi VAR-i.
Me fitoren e tretë radhazi, Milan tashmë numëron 31 pikë dhe qëndron përkohësisht në pozitën e gjashtë në tabelë.
Brescia mbetet me 15 pikë në pozitën e 18-të në tabelë, në zonën që dërgon në Serie B.
