Kanë mbetur edhe tre ditë deri në fund të afatit kalimtar dimëror, kurse zërat për transferime të bujshme eventuale, sa vijnë e shtohen.
Padyshim se vëmendja jonë është te sulmuesi i kombëtares së Kosovës dhe Fenerbahces, Vedat Muriqi, për të cilin po interesohen shumë skuadra.
Manchester United dhe Tottenhem janë ekipet më të interesuara për t’i siguruar shërbimet e tij, por së fundi ka hyrë në garë edhe Burnley.
Madje, sipas “Milliyet”, skuadra londineze ka dërguar ofertë zyrtare prej 28 milionë eurosh, vetëm e vetëm që t’i sigurojë shërbimet e sulmuesit fantastik të përfaqësuesit “verdhë e kaltër”.
Ende nuk dihet nëse klubi i madh turk ka kthyer përgjigje apo jo, por kujtojmë se më herët drejtuesit e klubit nga “Sukru Saraçoglu” kanë thënë se do ta refuzojnë secilën ofertë, pasi Muriqin deri në verë, e konsiderojnë të pashitshëm .
