Kevin De Bruyne thotë se nuk mund ta kuptojë sesi Manchester City ia lejoi vetes të humbasë 1:0 ndaj Manchester Unitedit të mërkurën mbrëma, por beson se askujt nuk do t’i bëjë për këtë nëse City e fiton Carabao Cup.
Triumfi 3:1 në ndeshjen e parë gjysmëfinale i mjaftoi Cityt ta arrijë finalen, ku e pret Aston Villa, pasi United nuk arriti të fitojë më shumë se 1:0 në ndeshjen e kthimit.
Raheem Sterlingut dhe Sergio Agueros iu anuluan golat për pozitë jashtë loje gjatë një paraqitjtje, kur City shkëlqeu kohë pas kohe edhe pse nuk ia doli të shënojë.
Goli i Nemanja Matic ishte i vetmi në këtë takim, dhe mesfushori serb u përjashtua nga loja më vonë pas kartonit të dytë të verdhë.
“Nuk mund ta kuptoj sesi e humbëm këtë ndeshje”, tha De Bruyne për Sky Sports.
“Mendoj se Unitedi nuk e pati asnjë shanse sot. Në sulm, ne humbëm shumë raste sot. Mendoj se duhet të mësojmë nga kjo. Është mirë që kemi arritur në finale”, shtoi ai.