Barcelona i gëzohet publikisht përjashtimit... - Bota Sot
Barcelona i gëzohet publikisht përjashtimit...

Futboll

Barcelona i gëzohet publikisht përjashtimit...

Më: 16 shkurt 2020 Në ora: 13:24
Barcelona i gëzohet publikisht përjashtimit...

Barcelona e ka shfaqur publikisht kënaqësinë me vendimin e UEFA-s për ta përjashtuar Manchester City’n nga garat evropiane, për shkak të dështimit për t’iu përmbajtur rregullave të fair-play’t financiar.

UEFA e pezulloi City’n nga pjesëmarrja në garat evropiane për dy vjet, për shkelje serioze të rregullave të fair-play’t financiar.

Vendimi i organit qeverisës së futbollit evropian e tronditi botën e futbollit dhe nxiti reagime të ndryshme, por ai i klubit katalonas habiti më së shumti.

Zëvendëspresidenti i Barcelonës, Emili Rousaud, tha: Barça është në favor të ruajtjes së parametrave të fair-play’t financiar, që është thelbësore. Klubet duhet të nxjerrin burime nga aktivitetet e veta, por ka klube të cilat kanë modele ndryshe dhe si pasojë nuk po iu përmbahen rregullave”.

“Ne i nxjerrim të ardhurat tona. Ka klube të cilat janë në pronësi të zotërinjve të caktuar, të cilat garojnë ndaj klubeve që përkrahen nga njerëzit e vet”, shtoi ai.

Edhe pse ekzistojnë marrëdhënie të mira mes Barcelonës dhe Manchester City’t, këto deklarata të Rousaud janë padyshim çuditëse.

Shfaq komentet
comments powered by Disqus
Sot mund të lexoni Shfletoni kopertinat