“Fair play” financiar, UEFA heton klubet që mashtruan - Bota Sot
“Fair play” financiar, UEFA heton klubet që mashtruan

Futboll

“Fair play” financiar, UEFA heton klubet që mashtruan

Më: 17 shkurt 2020 Në ora: 22:03
Manchester City

Pas dënimit ekzemplar të Manchester Cityt me përjashtimin për dy vjet nga Liga e Kampionëve dhe gjobën e majme, UEFA kërkon të çojë në një tjetër shkallë luftën e saj për respektimin e rregullave Financiare.

I ashtuquajturi ‘Fair Play’ që është shkelur nga shumë klube duket se ka patur një trajtim preferencial, por tani po studiohen edhe klubet e tjera që dyshohet se kanë mashtruar me bilancet.

Përdorimi i plusvalencave false dhe shitjeve të fryra të lojtarëve, si dhe kamuflimet me sponsorët duket se janë përdorur për të dribluar rregulloren e UEFA-s.

Praktikisht ekspertët do të hetojnë nëse marrëveshjet mes klubeve për të rritur vlerën e lojtarëve që të shmangen gjobat dhe dënimet, është bërë sipas një çmimi real tregu, apo është manipuluar.

“Financial fair play” është një sistem rregullash që u prezantua nga UEFA në vitin 2010, me zotimin për të futur klubet në rrugën e duhur, dhe për të detyruar ekipet e federuara që të respektojnë parametrat ekonomike dhe financiare.

Objektivi ishte përafrimi i kostove me shpenzimet, dhe skuadrat duhet praktikisht jo vetëm të fokusohen te borxhet por edhe të mbajnë një ekuilibër të llogarive për të evituar falimentime.

Sot mund të lexoni Shfletoni kopertinat