Tensione në stolin e Milanos në fund të pjesës së pare të ndeshjes Milan-Torino.
Pasi qendërmbrojtësi Simon Kjaer kërkoi zëvendësim pas lëndimit apo zgjatjes së muskulit të këmbës, trajneri Stefano Pioli dërgoi Matteo Musacchio të ngrohet, por argjentinasi nuk pranoi të futet në fushë duke i thënë trajnerit që ende ndjenë dhimbje në kyqin e këmbës, përcjell Korneri.net
Musacchio ka dy ndeshje që nuk luan shkaku i këtij lëndimi, por mjekët e klubit kanë konstatuar se është i gatshë, andaj Pioli i befasuar nga argjentinasi, e futi në lojë të riun Gabbia në vend të mbrojtësit danez. Por, më e çuditshme ishte fakti se Musacchio nuk u kthye fare në pankinë.
