Sulmuesi i Tottenham Son Heung-min mund të humbasë pjesën e mbetur të sezonit pasi ka thyer krahun gjatë fitores me Aston Villa-n të dielën, duke lënë Jose Mourinho-n me zero sulmues të mirëfilltë.
Spurs kanë konfirmuar lajmin e dëmtimit të Son të martën duke thënë në deklaratë se do të mungonte për 3-4 javë, por trajneri Jose Mourinho ka pranuar se mendon se nuk do ta ketë në dispozicion lojtarin për këtë sezon.
Mourinho ka shtuar se situata nuk mund të ishte më e keqe për sa i përket opsioneve në sulm dhe gjithashtu ka konfirmuar se 18-vjeçari Parrott nuk është gati.
Edhe Harry Kane pritet të mungojë të paktën deri në fund të prillit, por mbase deri në fund të sezonit.