Nuhiu: Në fund janë më të rëndësishme pikët - Bota Sot
Nuhiu: Në fund janë më të rëndësishme pikët

Futboll

Nuhiu: Në fund janë më të rëndësishme pikët

Më: 21 shkurt 2020 Në ora: 15:24
Nuhiu: Në fund janë më të rëndësishme pikët

Drita ka triumfuar më vështirë se që ishte pritur përballë Vushtrrisë në “Ferki Aliu”. Skuadra gjilanase mori tre pikët e radhës pas një drame të vërtetë, me ç’rast ndeshja u mbyll me rezultat 3:2.

Kryetrajneri i kësaj skuadre, Ardian Nuhiu, deklaroi pas ndeshjes se skuadra e tij nuk e nënvlerësoi kundërshtarin, por ishte tereni jo i përshtatshëm për lojë që ata të luanin lojën e tyre.

“Ndeshjet e tilla janë më të vështira. Edhe pse nuk e nënvlerësuam ekipen kundërshtare. Ndoshta tereni ishte i papërshtatshëm, pasi që ne nuk mundëm të luanim lojën tonë. Në fund janë më të rëndësishme pikët. Ndonjëherë ndeshjet duhet ti fitosh edhe në këtë mënyrë. I uroj futbollistët për fitoren e realizuar. Uroj edhe kundërshtarin për luftën që e bënë deri në fund”, deklaroi Nuhiu.

Më pas ai foli edhe për mungesat e ‘bardhekaltërve’ në këtë takim, si dhe inkuadrimin e futbollistëve të tjerë në këtë ndeshje.

“Të gjithë futbollistët janë të rëndësishëm. Uroj që secili futbollist që ka minuta në dispozicion ti shfrytëzojë sa më mirë”, përfundoi Nuhiu.

Shfaq komentet
comments powered by Disqus
Sot mund të lexoni Shfletoni kopertinat