Florentino Perez ka një dëshirë dhe duket se nuk e fsheh, pasi mediat në Spanjë e raportojnë të sigurt se presidenti i Realit të Madridit është i çmendur pas Fabian Ruiz. Numri një i “Los Blancos”, duket se e kërkon me çdo kusht në ekipin e tij spanjollin.
Madje, mbrëmjen e shkuar në sfidën Brescia-Napoli, Ruiz është vëzhguar nga disa skautë të madrilenëve. Si për ironi të fatit, mesfushori ishte edhe heroi i Napolit në ndeshjen e luajtur mbrëmë, pasi shënoi një supergol për t’i dhuruar fitoren të tijve.
Sipas mediave në Spanjë, Reali tashmë është plotësisht i bindur për aftësitë e 23-vjeçarit dhe pritet që në verë të prezantojë një ofertë të majme për të bindur Aurelio De Laurentiis që të lirojë xhevahirin spanjoll.