Skuadra e Feronikelit ka shkarkuar Albert Bunjakun dhe Agim Sopi.
Pas ndeshjes së sotme, Feronikeli ka vendosur të ndajë rrugët me këshilltarin e klubit, Albert Bunjaku, si dhe me trajnerin Agim Sopi.
Gjithë kjo është arritur me marrëveshje të dyanshme, pas një takimi mes bordit drejtues dhe dyshes Bunjaku-Sopi.
Komunikata e plotë:
Pas ndeshjes së sotme, drejtues të KF Feronikelit kanë mbajtur takim me këshilltarin e presidentit z. Albert Bunjaku dhe trajnerin e klubit të Feronikelit, z. Agim Sopi.
Me një marrëveshje të dyanshme dhe pas një takimi krejtësisht miqësor, u vendos që të ndahen rrugët mes dyshes Bunjaku dhe Sopi, me klubin e Feronikelit.
Klubi i futbollit Feronikeli, i uron shumë suksese z. Bunjakut dhe z. Sopi në hapat e tyre të mëtutjeshëm dhe i falënderon për korrektësinë dhe profesionalizmin e treguar gjatë kohës sa ishin në klub.
Për detaje të reja, do të njoftojmë me kohë opinionin.
